Wararka Idaacada dalsan ay ka helayso duleedka magaalada Muqdisho ayaa sheegay in halkaasi uu ka dhacay weerar gaadma ah oo lagu dilay askar ka tirsaneyd ciidanka dowladda kuwaas oo ku safrayay wadada isku xirta Muqdisho iyo Afgooye.
Askartaan ayaa la sheegay in ay saarnaayeen Mooto Bajaaj laguna weeraray mel ku dhow Tabeelaha Shiiq Ibraahim oo ku yaal duleedka Muqdisho,iyada oo xiliga uu weerarku dhacayay ay wadadu aheyd mid cariiriya.
Goobjoogayaal ayaa Dalsan u xaqiijiyay in 3-Askari oo wada saarnaa hal Mooto Bajaaj lagu kooxo hubaysani ay ku weerareen Tabeelaha Shiiq Ibraahim ee duleedka Muqdisho isla markaana ay dhamaantood goobta ku geeriyoodeen.
Kooxdii dilka geysatay ayaa goobta iskaga baxsatay waxaana durbadiiba gaaray Ciidamo kale oo ka tirsan dowladda iayada oo uu hakad ku jira isku socodka dadkan iyo gaadiidka .