Danjiraha Somalia u jooga dalka Masar, ahna Ergayga Joogtada ee Somalia ee Ururka Jaamacadda Carabta, Ambassador C/qani Maxamed Wacays ayaa Shir-guddoominayo Kulanka Ururka Jaamacadda Carabta ee Heerka Wakiilladda Joogtadda, kaasi oo shalay ka furmay Xarunta Ururkaasi oo ku taalla caasimadda dalka Masar ee Qaahira.
Kulankaasi oo socon doona ilaa maanta, waxay Somalia xilka Shir-guddoonka kala wareegtay Sudan oo iyadu horey u ahayd Shir-guddoonka Shirarka Jaamacadda Carabta.
Shirka Wakiilladda Joogtada ee Ururka Jamaacadda Carabta uga socda Qaahira waxa uu u gogol-xaar u yahay Shirka Wasiiradda Arrimaha Dibedda ee Dowladaha xubnaha ka ah Ururka Jamaacadda Carabta oo maalinta Arbacadda ee berrito ka furmi doona Qaahira.
Dhinaca kale, Shirka 101-aad ee  Wakiilladda Joogtadda ee Ururka Jaamacadda Carabta waxaa looga hadlay qoddobo ay ka mid yihiin Taageeridda Somalia, Jesiiradda Komooros, Taageerida Nabadda iyo Horumarinta ee dalka Sudan, Khilaafka Dowladaha Jabuuti iyo Eritrea, Mowqif Mideysan oo ay Dowladaha Carabta ka yeeshaan xadgudubka Milliteriga Turkiga ee Xuquuqda Buuxda iyo Awoodda dalka Iraq, Xadgudubka Israel ku hayso Reer Falastiin, Xaalladaha dalalka Lubnaan, Liibiya, Yemen iyo Syria iyo Isbahaysiga Carbeed iyo Urur-gobaleedyadda.