Faah Faahin ayaa ka soo baxeysa qarax Gaari loo adeegsaday oo Caawa ka dhacay Wadada aadka u mashquulka badan ee Maka Al Mukarama ee Magaalada Muqdisho.
Qaraxa ayaa waxa uu ka dhacay inta u dhexeeysa Hotel Maka Al-Mukarama iyo Maqaayad lagu magacaabo Hilaac UKÂ oo ku taalla Wadada Maka Al Mukarama,isla markaana waxaa ka dhashay Khasaaro isugu jira dhimasho iyo dhaawac.
Dad ka badbaaday qaraxa oo la hadlay Dalsan ayaa u sheegay in goobta uu qaraxa Caawa ka dhacay ay aheyd meel aad u mashquul badan oo ay ku sugnaayeen dad farabadan.
Gaadiidka gurmadka deg deg ah ayaa dadkii ku waxyeeloobay qaraxa u daad gureynaya Isbitaalada ku yaalla Magaalada Muqdisho,waxaana halkaasi isku gadaamay Ciidamo ka tirsan dowlada Soomaaliya.
La soco wixii ku soo kordha Wararkan Insha Allaah.