Saraakiisha Ciiddanka Khaaska Booliska Kenya ee GSU ee ku sugan Xeradda Dabasiti ee Degmadda Mandheera ayaa sheegay inay iska caabiyeen weerar ay Al-shabaab xalay ku soo qaadeen Xeradaasi.
Wargeyska The Star ee ka soo baxa magaalladda Nairobi waxa uu ka soo xigtay mid ka mid ah Askarta xeradaasi oo lagu magacaabo Fensent Makau inay Dagaalamayaal Alshabaab so oqaadeen weerarkaasi abaarihii 8-dii fiidnimo ee xalay, waa sida uu hadalka u dhigay.
Taliyaha Boliska Gobalka Waqooyiga Kenya, Bawl Soy waxa uu sheegay in aysan wax Ciiddan ah kaga dhaawacmin weerarka Alshabaab, isla markaana ay weli ku hawlan yihiin baaritaanka faahfaahinta kale wixii xalay dhacay.
Si kastaba ha ahaatee, Dagaalamayaasha Alshabaab weli kama hadlin weerarka ay Boliska Kenya sheegteen inay iska waabiyeen, waxaana la og yahay inay Alshabaab hawlgallo qorsheysn ka fuliyaan gudaha Kenya, gaar ahaan Fariisimadda Hay’addaha Ammaanka Kenya ku leeyihiin Gobalka W/bari ee dalkaasi o okaabiga ku haya xuduudka Kenya la wadaagto Somalia.