Ciidamo ka tirsan kuwa Booliska Soomaaliya ayaa xalay waxa ay Xaafado ka tirsan degmada Wartanabada ee Gobolkan Banaadir ka sameeyeen howlgallo dad u badan dhalinyaro lagu xir xiray.
Howlgallada ayaa waxaa ay Ciidamada sigaar ah uga sameeyeen,Xaafadaha Xamar Jadiid,Cali Kamiin iyo laba-dhagax,waxaana goobjoogayaal ay sheegeen in ciidamada mararka qaar ay guryaha galayeen,isla markaana baaritaano ay ku sameynayeen.
Ciidamada ayaa la sheegay inay howlgalkaas ku qabteen dad dhalinyaro u badan,kuwaas oo la geeyay goob ay fariisin ciidamada ku leeyihiin,kadibna badi la siidaayay halka kuwo kale ay ciidamadu ka shakiyeen ay kaxeysteen.
Inta uu howgalka socday ayaa waxaa uu saameyn weyn ku yeeshay isku-socodka dadka iyo Gaadiidka maadaama xilli fiid ah ay aheyd,waxaana Ciidamadu mararka qaar ay baaritaan ku sameynayeen Gaadiidka.
Howlgalkaas ayaa kusoo aadaya xilli mararka qaar falal amnidarro ay ka dhacaan Xaafadaha howlgalka laga sameeyay,sidoo kalena dhawaan la weeraray Xarun ciidamo ka tirsan Booliska Soomaaliya ku leeyihiin Isgoyska Cali Kamiin ee degmada Wartanabada.
Si kastaba howlgalkii xalay dadka lagu qabqabtay ee laga sameeyay Xaafado ka tirsan degmada Wartanabada ee Gobolkan Banaadir weli kama hadlin laamaha amniga Soomaaliya iyo Maamulka degmada intaba.