Madaxweynaha Jamhuuriyadda Federaalka Soomaaliya Maxamed Cabdullaahi Farmaajo iyo wafdi uu hoggaaminayo ayaa maanta goordhow waxa ay gaareen Magalada Garoowe ee Xarunta Gobolka Nugaal.
Wafdiga ayaa waxa ay ka qeybgeli doonaan Xaflada Caleemo saarka Madaxweynaha Puntland Siciid Cabdullaahi Deni,waxana shalay Garoowe gaaray wafdi wasiiro ah oo horudhac u ah wafdiga Madaxweynaha.
Madaxweynaha Puntland Siciid Cabdullaahi Deni,kuxigeenkiisa,Xildhibaano qaar ka mid ah Madaxda Maamul Goboleedyada ayaa soo dhaweeyay wafdiga Madaxweyne farmaajo,waxaana uu salaan sharaf ka qaatay Ciidamada Bambeyda oo goobta ku diyaarsanaa.
Madaxweynaha waxaa Garoowe kaga sii horeeyay Xubno badan oo ka mid ah mucaaradka dowladda Federaalka,kuwaas oo shalay badankood gaaray Garoowe iyo mas’uuliyiin badan oo ka tirsan Xukuumadda Soomaaliya.