In ka badan 30 qof oo lagu dilay dalka Maali

Dabley hubeysan oo watay mootooyin ayaa la sheegay inay dadkaasi ku  dileen Waqooyiga dalkaasi, halkaasi oo ay ka dhacaan iska horimaad dhinaca dhulka iyo biyaha.

Duqa Degmadda Menaka , Nanuut Kotiya oo la hadlay  Wakaalladda Wararka REUTERS ayaa sheegay in dadkaasi lagu dilay labo weerar oo lagu qaaday  dhowr Tuullo oo isku dhowdhow.

Dableyda weerarkaasi weli lama aqoonsanin, iyadoo dadka la dilay ka soo jeedaan Qabiilka Tuwaariq, wuxuuna weerarkaasi imaanayaa iyada oo in ka badan 40 qof oo ka tirsan qabiilkaasi  lagu dilay isla Tuullooyinkaasi bishii December ee la soo dhaafay.