Hay’adda QM ugu qaabilsan Daryeelka Carruurta ee UNICEF waxay ka digtay inay Malaayiin Carruur ah soo food saarayso Khatar, waxayna ku eedeysay Hoggaamiyayaasha Caalamka inay Carruurta ka badbaadiyaan in si ku-talagal ah loola baagsado dagaallka.
Qiimeyn lagu sameeyey colaado 12-kii bilood ee la soo dhaafay ka dhacay 18 dal oo ka tirsan Caalamka ayaa la sheegay inay malaayiin carruur ah soo food saartay dhibaatooyin
Hay’adda UNICEF waxay sheegtay in Carruurta ku nool dalalka ay dagaalladu ka socdaan inay la kulmaan weerar toos ah, dil, dhaawac iyo in laga dhigto gabaad iyo in carruurta la askareeyo.
Warbixinta UNICEF waxay si gaar ah u qiimeysay xaalladda carruurta ku nool dalal ay ka mid yihiin Somalia, Syria, Yemen, Afganistan, Kongada Dimuqraadiga iyo Nigeria.
UNICEF waxay sheegtay in ka badan 1,800 oo Carruur Soomaali la askareeyey 9-kii bilood ee ugu horreysay sannadkan, iyadoo 1,278 ka mid ah carruurtaasi la afduubtay, waa sida ay UNICEF sheegtay.
Hay’adda waxay si guud u sheegtay inay Kooxaha hubeysan ee ku sugan gudaha Somalia ka dambeeyaan inay Carruurta u qortaan dagaalka, balse, Warbixinta laguma sheegin Kooxaha lagu eedeynayo arrimahaasi.
