Wariyayaal ku sugan Magalada Baladweyne ayaa wax ay sheegeen in Maanta laga hor-istaagay inay ka qeyb galaan munaasabad lagu xusayay 75-guuradii kasoo wareegtay aas-aaska Ciidanka Booliska Soomaaliyeed oo lagu qabtay Baladweyne.
Wariye Bashiir Cabdullaahi Cismaan oo ka mid ah wariyeyaasha ka howlgalla Baladweyne ayaa sheegay in qaar ka mid ah Wariyeyaasha Maanta loo diiday inay Warar kasoo duubaan Munaasabadii Maanta ee aas=aaska Ciidanka Booliska Soomaaliyeed.
Waxa uu sheegay in bilihii la soo dhaafay Mas’uuliyiinta Maamulka Gobolka Hiiraan ay caburin ku haayeen wariyeyaasha oo qaarkood wareystay mas’uuliyiinta Maamulka oo uu khilaaf xoogan ka dhexjiro.
Dhinaca kale waxaan xiriir la sameynay Mas’uuliyiin ka tirsan Wasaaradda Warfaafinta Hir-Shabeelle oo uu ka mid yahay Agaasimaha Guud ee Wasaaradaas Maxamed Xasan Kulmiye,waxaana uu sheegay in Wariyeyaasha Maanta munaasabada laga celiyay ay ahaayeen kuwo tiro yar oo mararka qaarkood warar aan jirin Maamulka ka faafiya.
Dhageyso Wareysiga Wariye Bashiir Cabdullaahi Cismaan.