15-ka xubnood ee Golahaasi waxay caawa kulan khaas ah ka yeelan doonaan khilaafka gaagaxay ee ay DFS iyo Maamul-gobaleedyada ku kala irdhoobeen.
Wakiilka Xoghayaha Guud ee QM ugu qaabilsan Arrimaha Somalia, Nicholas Hayson ayaa la filayaa inuu Golaha Ammaanka QM faahfaahin ka siiyo xogta khilaafka DFS & Maamul-gobaleedyada iyo kulamadii uu la soo yeeshay Madaxweynayaasha MG Puntland, Jubbaland, Hirshabelle iyo Madaxweynihii K/G ee is-casilay.
Ergayga waxa kale uu Golaha Ammaanka u gudbin doonaa Digniintii La-taliyaha Madaxweyne Farmaajo ee dhinaca Ammaanka, kaasi oo QM uga digay inay soo farageliyaan Arrimaha Doorashada ee Maamulka K/Galbeed.
Sidoo kale, Ergayga Ururka Midowga Afrika, Francisco Madeira ayaa la filayaa inuu Golaha Ammaanka caawa u gudbiyo Warbixin ku aadan Hawlgalka AMISOM ka wadaan qeybo ka mid ah Somalia.
Si kastaba ha ahaater, Kulanka xubnaha Golaha Ammaanka ee QM oo ah Kulankii 8398 waxa uu dhici doonaa caawa xilliga Muqdisho oo ku beegan 10-ka subaxnimo ee xilliga magaalladda New York.
