Wasiirka Warfaafinta Dhaqanka iyo Dalxiiska Mudane Daahir Maxamuud Geelee oo Shir Jaraa’id ku qabtay Magaalada Muqdisho ayaa faah-faahin ka bixiyay shirka seddax geesood ah ee u dhexeeyay Madaxda Soomaaliya, Eritrea iyo Itoobiya, kaasi oo ka dhacay magaalada Asmara ee dalka Eritrea.
Wuxuu sheegay Wasiirka in Madaxda wadamadaan dariska ah ay shirkooda diiradda ku saareen wax wada qabsi iyo sidii ay u yeelan lahaayeen iskaashi buuxa, iyadoo ugu danbayntiina hoggaamiyaasha ay kala saxiixdeen heshiis ka kooban Afar qodob.
Sidoo kale intii lagu guda jiray shirka Jaraa’id ayaa Wasiir Daahir Maxamuud Geelle waxaa wax lag weeydiiyey Shirka golaha Iskaashiga dowlad Goboleedyada ku leeyihiin Magaalada Kisamayo waxa uuna sheegay in dowladda ay soo dhaweyneyso shirkaas.
Waxa uu sheegay in Madaxda halkaasi ku shireysa ay yihiin kuwa matalaya Shacabka soomaaliyeed,isla markaana shir ay qabsan karaan mowqifka dowladda Soomaaliyana uu yahay inay soo dhaweeyso,sidoo kalena ay shirar kale oo Waaweyn ay ka dambeyn doonaan.
Dad badan oo siyaasada la socda ayaa aaminsan in Shirka Magalada Kismaayo uu yahay mid caqabado farabadan u keeni kara dowladda Soomaaliya maadaama inta badan Madaxda Shirkaas furitaankiisa ay aad u dhaliileen Madaxda Dowladda Soomaaliya.
Hoos Ka Dhageyso Codka Wasiirka Warfaafinta Xukuumadda Soomaaliya.
