War ka soo baxay Wasaaradda Arrimaha dibada dalka Jabuuti ayaa waxaa looga hadlay xiriirka kala dhaxeeya Soomaaliya dowladda Jabuuti oo maalmihii la soo dhaafay aad u xumaa.
Dowladda Jabuuti ayaa dhawaan ka carootay hadal uu Asmara ka sheegay Madaxweynaha Soomaaliya ee ahaa in cunaqabateynta laga qaado Dowladda Eritrea,waxana Wasiir Maxamuud Cali Yuusuf uu qirey in uu jiray khilaafka labada dowladood.
Wasiirka Arrimaha dibada Jabuuti ayaa war qoraal ah oo uu soo dhigey Bartiisa Twitter-ka ayuu ku sheegay in xiriirka labada dowladood uu ahaan doono mid xooggan oo mudo soo jirey.
Waxa uu soo hadal qaaay booqashada Madaxweyne Farmaajo u ku jooga dalka Jabuuti,isaga oo sheegay in kulamada iyo wadatashiyada uu la leeyahay madaxda Jabuuti uu yahay mid lagu sii adkeynayo xiriirka labada dal.
Madaxweynaha Soomaaliya Maxamed Cabdullaahi Farmaajo ayaa shalay booqasho laba cisho ah waxa ay uga bilaabatey dalka Jabuuti,waxaan warar soo baxaya ay sheegaayan in Madaxweynaha Soomaaliya uu Madaxweyne Geelle ka qanciyey tabashadii ay ka muujiyeen hadalkii uu ka sheegay Asmara.
Sikastaba dowladda Jabuuti ayaa waxa ay ka mid tahay dowladaha taageera Soomaaliya,waxana Gobolka Hiiraan ka jooga Ciidamo farabadan oo ku howlgalla Magaca AMISOM,iyaga oo Ciidamada Dowladda ka taageera dagaalka Al-Shabaab.