Wararka naga soo gaaraya Wadanka Koonfur Afrika ayaa waxa ay sheegayaan in Ganacsato Soomaali ah xalay Saqdii dhexe dil iyo dhaawac loogu geystay gudaha dalkaas.
Kooxo Burcad Koonfur Afrikaan ah ayaa  laba ka mid ah ganacsatada Soomaliyeed waxa ay midna ku dileen midna ku dhaawaceen afaafka hore ee Goobtooda Ganacsi oo ku taalla deegaan ku dhow M/Cape Town.
Dilalka ka dhaca Wadanka Koonfur Afrika ayaa ah kuwa soo noq noqday,waxana Muwaadinka Soomaaliyeed ee la dilay Magaciisa lagu sheegay C/llaahi  Maxamuud sidoo kalena la dhaawacay  muwaadin kale oo magaciisa lagu sheegay Maxamed Ismaaciil.
Majirto dilkaas iyo dhaawacaas Ganacsatada soomaaliyeed ee dalka koonfur Afrika cid loo qabtay,waxaana bil walba gudaha dalkaas ka dhaca dilalka Ganacsatada iyo boobka hantidooda.
Qaar ka mid ah Ganacsatada oo la hadlay Dalsan ayaa waxa ay sheegeen in ay cabsi aad u daran soo wajahaday,waxa ay ugu baaqeen madaxda dowladda Federaalka Soomaaliya in ay arrintaan dilalka ah soo farageliso,isla markaana madaxda dalkaas ay kala hadasho.