Al-Shabaab ayaa la sheegay in ay gebi ahaanba xireyn Salax ku yaalla Magalada Muqdisho gaar ahaan Xaafada Shiirkoole kaas oo dhalinyarada ay kubadda Cagta ku ciyaari jireen.
Salaxaan ayaa ka mid ah kuwa ay dhalinyarada xaafada Shiirkole si aad ah ugu ciyaaraan,iyada oo xilliyada Bisha Ramadaan lagu qabto tartamo Kubadda Cagta ah,waxaana dhalinyaradii gacanta ku haysay Salaxaas loo sheegay inay joojiyaan ku ciyaarista Garoonkaas.
Mid ka mid ah masuuliyiinta Salaxaas ayaa sheegay in Al-Shabaab ay taleefoonkiisa ugu soo direyn fariin loogu sheegay in gebi ahaanba la joojiyo Ciyaarta Kubadda Cagta ee Garoonka Salaxa xaafada shiirkole.
Dhowr bil kahor ayaa sidaan oo kale waxaa soo baxay warar sheegayay in Al-Shabaab ay amreen in la joojiyo ku ciyaarista Garoomada Salaxa ee Kubadda Cagta degmooyin ku yaalla Gobolka Banaadir wallow Wasaaradda Amniga iyo Maamulka G/Banaadir ay beeniyeen.