Madaxweynaha Maamulka Somaliland Muuse Biixi Cabdi Iyo wakiilka Qaramada Midoobey ee arimaha Somalida Michael Keatin ayaa kulan ku yeeshay xarunta madaxtooyada Somaliland ee Magalada Hargeysa kadib markii Maanta uu halkaasi gaarey Michael Keatin.
Kulanka Muuse Biixi uu la qaatay danjire Michael Keating, ayaa waxa ku wehelinayey, madaxweyne-ku-xigeenka Somaliland Cabdiraxmaan Cabdilaahi Ismaaciil (Saylici), guddoomiyeyaasha Guurtida iyo Wakiillada, Mudane Saleebaan Maxamuud Aadan iyo Baashe Cali Jaamac iyo wasiirka arrimaha dibadda, Sacad Cali Shire, waxaana lagaga wada-hadlay arrimo ay ak mid aahayeen  sidii loo xoojin lahaa wada-shaqaynta Somaliland la leedahay qaramada midoobay.
Sidoo kale waxa ay ka wada hadleen labada dhinac xiisada ka dhaxeysa Somaliland iyo Puntland ee deegaanka Tukaraq isla markaana waxaa uu danjiruhu sheegay in uu Somaliland u soo jeediyey sidii arimahaasi loogu dhameyn lahaa wada hadal iyo is afgarad.
Madaxweynaha Maamulka Somaliland, Muuse Biixi Cabdi, ayaa ergayga gaarka ah ee QM ee Soomaaliya, Mr. Keating ayaa kulankoodii waxa uu ugu dambeyn kusoo gaba gaboobay jawi nabdoon.
Hoos Ka Daawo Sawirada Kulanka labada dhinac.
