Maanta oo Isniin ah kuna beegan 30/4/2018 ayaa lagu wadaa in doorashada Guddoomiyaha Golaha Shacabka Soomaaliya ay ka dhacdo gudaha Magalada Muqdisho xilkaas oo uu baneeyey Maxamed Sheekh Cusmaan Jawaari.
Illa 11 musharax oo dhammaantood ah Xildhibaano ayaa xilkaas u taagan in ay u tartamaan,waxana xalay Hotelada Muqdisho ay ka wadeen olole uu qof walba ku doonayo in isagu ay xildhibaannada doortaan.
Doorashadaan oo ah midi ugu adkeyd e loogu tartamo xilka guddoomiye Baarlamaan ayaa illaa iyo hadda aysan jirin cid loo saadaalin Karin in ay xilkaas ku guuleysan karto.
Musharixiinta ayaa xilligii ay jeedinayeen khudbadaha waxa ay sheegeen in ay waxbadan ka bedeli doonaan Baarlamaanka Soomaaliya laakin la sugayo waxyaabaha uu qabto Shaqsigii loo doorto guddoomiyaha Golaha Shacabka Soomaaliya.
Qaban qaabadii u dambeysay ee doorashada guddoomiyaha Golaha Shacabka ayaa haatan ka socota Muqdisho,waxaana aad loo adkeeyey amniga Xarunta Golaha Shacabka oo la filayo in Saacadaha soo socda ay doorashada ka bilaabato.
Hadaba Hoos Ka Akhriso Magacyada 11 Musharax ee xilka guddoomiyaha Golaha Shacabka.
1- Xildhibaan Ibraahim Isaaq Yarow
2- Xildhibaan Cali Sheekh Nuur
3- Xildhibaan C/casiis Xasan Maxamed Laftagareen
4- Xildhibaan Saalim Caliyow Ibrow
5- Xildhibaan Sheekh Aadan Madoobe
6- Xildhibaan Shariif Sheekhunaa Maye
7- Xildhibaan Idris Cabdi Dhaqtar
8- Xildhibaan Maxamed Mursal Sh. C/raxmaan
9- Xildhibaan Shariif Maxamed Cabdalla
10- Xildhibaan Maxamud Macalin Yaxye
11-Xildhibaan Iimaan C/laahi Nuur.