Ra’iisul Wasaare ku xigeenka dalka Mahdi Maxamed Guuleed(Khadar) iyo wafdi uu jogaaminayo ayaa u ambabaxay dalka Burundi si uu uga qeyb galo ama uu u dhiirageliyo Ciyaartoyda xulka 17-jirada dalkeena Soomaaliya oo Galabta Ciyaar la leh dhigooda Tanzania.
Ra’iisul Wasaare ku xigeenka ayaa Wakiil ka ah Madaxweynaha Soomaaliya Maxamed Cabdullaahi Farmaajo oo qorshuhu ahaa in uu Burundi u safro balse uu ka baaqsaday,waxana Galabta uu goobjoog ka noqon doonaa Ciyaarta finalka ah ee xulka 17-jirada dalkeena Soomaaliya iyo Xulka Tanzania.
Xulka Qaranka Soomaaliya matelya ee 17-jorada ayaa waxaa  wareegi Sami-finalka kasoo badiyeen Uganda oo ay ku garaaceen 1-0, halka Tanzania ay 2-1 uga soo badisay Kenya.
Sidoo kale Xulka da’yarta ee 17-jirada Soomaaliya waxa ay horay uga soo badiyeen xulalka Ethiopia, Kenya, Uganda iyo Burundi oo ay barbarro galeen.
Sikastaba xulka Soomaaliya ayaa hadii Galabta ay koobka ku guuleystaan waxa uu noqon doonaa markii ugu horeysay uu Xul Soomaaliyeed ku guuleysto tartanka Bariga iyo Bartamaha Afrika.
