Magalada Muqdisho waxaa haatan siweyn looga dareemayaa qaban qaabada ku aadan doorashada Guddoomiyaha Golaha Shacabka Soomaaliya oo la filayo in ay dhacdo Maalinta Isniinta ah oo ku beegan 30 Bisha 4 ee Apriil Sanada 2018.
Musharixiin ilaa 11 gaaraya oo dhammaantood xildhibaano ah ayaa xilkaas u taagan kuwaas oo qaarkood iska casilay xilal Wasiirnimo oo muhiim ahaa sida Wasiirkii Gaashaandhigga oo uu iska casilay Maxamed Mursal Sheekh Cabdiraxmaan iyo Xubno wasiiro ku xigeen ahaa.
Hoteelada Waaweyn ee Magalada Muqdisho ayaa laga dareemayaa doorashada iyo sida ay olole u wadaan musharixiinta xildhibaannada ah ee Isniinta soo socota ku hardami doona tartanka adag ee loogalayo xilka guddoomiyaha Golaha Shacabka Soomaaliya.
Hoteelada Waaweyn ee Magalada Muqdisho ayaa Saacadihii la soo dhaafay waxaa ka dhacayay kulamo olole u badan oo ay musharixiinta la yeelanayaan Xildhibaannada si mid walba uu u soo jiito.
Shacabka Soomaaliyeed ayaa su’aalo farabadan iska weeydiinaya masuuliyiinta xilalka muhiimka ahaa qaarkood iska casilay ma u qeybsamaa hal xil maadaama waxa ay xilkoodii uga tegeyn uu yahay hal xil kaliya.
Musharixiinta xilkaan u taagan ayaa waxaa ku jira Xildhibaan Aadan Maxamed Nuur(Aadan Madoobe) oo mar soo noqday guddoomiyaha Golaha Shacabka Soomaaliya iyo rag kale oo miisaan qaarkood ku dhex leh dowladda hadda jirta.
Hadaba Hoos Ka Akhriso Magacyadooda oo dhameystiran 11-ka Musharax.
1- Xildhibaan Ibraahim Isaaq Yarow
2- Xildhibaan Cali Sheekh Nuur
3- Xildhibaan C/casiis Xasan Maxamed Lafta-gareen
4- Xildhibaan Saalim Caliyow Ibrow
5- Xildhibaan Sheekh Aadan Madoobe
6- Xildhibaan Shariif Sheekhunaa Maye
7- Xildhibaan Idris Cabdi Dhaqtar
8- Xildhibaan Maxamed Sh. C/raxmaan Mursal
9- Xildhibaan Shariif Maxamed Cabdalla
10- Xildhibaan Maxamud Macalin Yaxye
11-Xildhibaan Iimaan C/laahi Nuur
