Laba Cisho kadib dowladda Imaaraadka Carabta ayaa ka hadashay tallaabadii ay dowladda Soomaaliya kula wareegtay lacag ka timid Imaaraadka oo Axadii lagu qabtay garoonka Diyaaradaha Aadan-Cadde ee Muqdisho.
Lacagtaas ayaa saarneyd diyaarad rakaab ah,waxana ay agareysay ilaa 9.6 milyan oo Dollar,iyada oo safaarada imaaraadka ee Muqdisho ay sheegtay in lacagtaas loo waday Ciidamo ka tirsan kuwa dowaldda oo uu Imaaradka tababar siiyo iyo kuwa ka tirsan Booliska Puntland.
Wasaaradda Arrimaha Dibadda ee Imaaraadka Carabta ayaa war saxaafadeed ay soo saartay waxay ku sheegtay in ciidamada amnigu ee Soomaalidu ay qoryo ku qabteen dadkii diyaaradda saarnaa isla markaana ay kala wareegeen $9 milyan iyo 600 kun oo dollar.
Sidoo kale waxa ay ku tilmaantay tallaabadaasi mid sharci-darro ah oo xadgudub ku ah shuruucda caalamka. Imaaraadka ayaa sheegay inay arrintaasi jebinayso is-afgarad ay horey u gaareen Soomaaliya iyo Imaaraadka sannadkii 2014,kaas oo ku saabsan bixinta mushaaradka Ciidamada.
Sikastaba Warsaxaafadeedka ka soo baxay Wasaaradda Arrimaha Dibadda Imaaraadka ee  looga hadlay lacagtii Axadii la soo dhaafay lagu qabtay Garoonka Diyaaradaha Muqdisho ee ka timid Imaaraadka ayaa waxay dowladda Soomaaliya ku eedeysay in Safiirka Imaaaradka u fadhiya soomaaliya uu diiday in qalabka baarisa la marsiiyo Boorsooyinkii ay lacagta ku jirtay.
