Xalay waxaa magaalada London lagu dilay labo wiil oo Soomaali ah, halka mid kalena si xun loogu dhaawacay. Dilalkan loo geysto dhalinyarada Soomaalida ayaa ah kuwo magaaladaas ku soo noqnoqday.
Dilalka iyo dhaawaca ayaa xalay waxa ay sigaar ah uga dhaceen Xaafada  Borough of Camden ee Magaalada London,waxana la sheegay in dilkooda loo adeegsaday tooreey.
Koronto Aadan oo deris la’ah Dhalinyarada Soomaaliyeed ee dilka iyo dhaawaca la’isugu daray ayaa sheegtay in ay indhaheedu qabteen meydka labada dhalinyarada Soomaaliyeed ah halka midka dhaawaca ah loo sheegay.
Waxa ay sheegtay in meydka dhalinyaradaas ay la wareegeen Booliska London,iyaga oo u sheegay in baaritaano ay ku sameynayaan si loo ogaado dadkii ka dambeeyay dilkaas.
In kastoo aan sidhab ah loo ogeyn dadka ka dambeeyay dilkaasi Dhalinayarada Soomaliyeed ayaa hadana Koronto Aadan waxa ay sheegtay in loo maleynayo in uu dabasocdo dilka Nin u dhashay dalka Jameyka kaas oo Sabtidii lagu dilay Xaafada  Borough of Camden.
Mid ka mid ah Dhalinyarada Soomaaliyeed ee xlay la dilay ayaa mudo laga joogo 4 Bilood waxaa sidaan oo kale la dilay Walaalkiisa arrintaasi oo walwal ku abuurtay Qoyska Wiilashaan.
Soomaalida ku nool Xaafada Kandin ee Magaalada London ayaa waxaa xiligaan soo wajahay cabsi maadaama xalay si barer ah tooreey dil iyo dhaawac loogu geystay Dhalinyaro Soomaaliyeed oo ay yaqaaneyn.
Hoos Ka Dhageyso Codka Koronto Aadan.
