Waxaa berri lagu wadaa in garooka Wiish ee magaalada Muqdisho ka dhaco kulanka u dambeeyay horyaalka kubadda Koleyga 2017-18.
Kulanka ayaa dhex mari doona kooxda horyaalka daafaceysa Heegan iyo kooxda Dekedda.
Heegan ayaa si dirqi ah uga soo adkaatay Dekedda kulanki wareega hore ee labada koox kadib ciyaar kusoo idlaatay 50-52, waxayna kali ku noqotay hogaanka oo ay si wadajir ah u hayeen.
Labada koox ayaa dhammaan guuleystay kulamadii ay horyaalka ka ciyaareen wareega labaad waxaana horyaalka 30 dhibcood ku hogaamineysa Heegan, halka Dekedda ay leedahay 29 dhibcood.
Dekedda ayaa dhibco ahaan dhalisay 1060 dhibcood,waxaana laga dhaliyay 464, waxaana dhicbaha ugu badan u dhaliyay Cabdifitaax Maxamed Macoow Buukaale oo dhaliyay 309 dhibcood isaga ayaana ah dhaliyaha ugu sareeya tartanka.
Dekedda waxay dhalisay 1056 dhibcood waxaana laga dhaliyay 620 dhibcood, dhicaha gu badna waxaa u saxiixay Cabulqaadir Muuse Cusmaan Naani dhaliyay 244 dhibcood.
Heegan waa kooxda Horyaalka daafacaneysa waxayna ku guuleysatay labadii horyaalka ee laso dhaafay.
Dekedda ayaa dhankeeda raadineysa horyaalki u horeeyay kadib 2012.
Hadii ay Heegan guuleysato waxay ku guuleysaneysaa Horyaalka, basle haddii ay Dekedda adkaato waxaa dib loo ciyaari doonaa kulan kale oo fiinaal ah.
Haddii hanashada Horyaalka lagu kala baxo waxaa garoonak Wiish lagu bixin doonaa abaalmarinada kooxaha iyo ciyaartoydii ugu wanaagsanaa tartanka.
