Wararka aan ka heleyno Maanta Bariga Gobolka Mudug ayaa waxa ay sheegayaan in dagaal saakay ka qarxay uu weli halkaasi ka socdo.
Dagaalka ayaa waxa uu intiisa badan ka socdaa tuulooyin hoostaga Meel qiyaastii 10KM u jirta deegaanka Gacnafalle ee Barrigga gobolka Mudug oo lagu Magacaabo Cali-waal.
Laba Maleeshiyo Beeleed oo ka soo kala jeeday Maamulada Puntland iyo Galmudug ayaa la sheegay in uu dagaalka u dhaxeeyo,waxa uuna dhaliyey Khasaaro dhimasho iyo dhawac waxaana sidoo kale laysku adeegsanayaa hubka noocyadiisa kala duwan sida dadka deegaanadaas ay Dalsan u sheegeen.
Xiisada daagaalkan ayaa maalmihii la soo dhaafay laga dareemayay Bariga Gobolka Mudug iyada oo Maalma ka hor ay wada dagaalameen labada Maleeshiyo beeleed.
Magaalada Gaalkacyo ee xarunta gobolka Mudug ayaa waxaa ka socda kulamo deg deg ah oo waxgaradku uga tashanayaan sidii loo joojin lahaa colaadaasi ka soo cusboonaatay Barigga gobolka Mudug.
Wixii ku soo kordha kala socda radiodalsan.com
