Ergayga Gaarka ee Xoghayaha Guud ee QM ugu qaabilsan Arrimaha Somalia, Michael Keating ayaa soo dhaweeyey tallaabadda ay Xildhibaanadda BFS ay dib ugu eegayaan Sharciga Saxaafadda ee ay DFS diyaarisay sannadkii 2016-kii.
Waxa uu intaasi ku daray in doodii hordhaca ee Xildhibaanadda ee Dib-u-eegistaasi inay isbedel ku samayn doonto Sharciga Saxaafadda dalka ee la soo saaray sannadkii hore.
“Warbaahinta Wararka ee Madax-bannaan waxay muhiin u tahay Isla-xisaabtanka iyo Dimuqraadiyadda†ayuu yiri Michael Keating oo intaasi ku daray in qeybo ka mid ah Sharciga Saxaafadda Somalia uusan u muuqanin mid u dhigma Heerka Warbaahinta Caalamka.
Sidoo kale, waxa uu ku baaqay in si taxadir leh si buuxda dib loogu eego Sharciga Saxaafadda, isla markaana loo oggolaado qybaha ay khusyeo inay Aragtidooda ka dhiibtaan Xeerka Saxaafadda ee haatan hor yaalla Xildhibaanadda BFS.
Michael Keating waxa uu xusay in Natiijadda ka soo baxda dib-u-eegita Sharci-dejiyayaasha BFS ay sare u qaadi doonto jawiga ay ku hawl-galaan Suxufiyiinta ka hawl-gala Warbaahinada Xorta ee Somalia, si ay cabsi la’aan u gutaan Hawlahooda.
