30 Xildhibaano Somali ah ayaa waxa uu maanta tababar uga furmay Hotel ku yaalla magaalladda Entebbe ee dalka Uganda.
Hay’adda QM ugu qaabilsan Horumarinta Barnaamijyadad ee UNDP ayaa soo qabanqaabisay Tababarkaasi oo ay Xildhibaanadda ku baran doonaan Nidaamka Hoggaaminta, Horumarinta Sinnaanta Jinsiga Awood-siinta Haweenka iyo  Ka-hortagga Tacadiyadda loo geysto Haweenka Soomaaliyeed. .
Catriana Byrne oo ka tirsan Hay’adda UNDP oo ka hadashay Furitanka Seminaarka ayaa sheegtay in Tababarka loo furay Xildhibaano ka tirsan BFS looga dan leeyahay sidii sare loogu qaadi lahaa Awoodaha Hoggaamieed ee Xildhibaanada, si ay uga hadlaan, una taageeraan Baahida Gabdhaha iyo Haweenka Somalia.
Waxay kaloo sheegtay inay Somalia ka jiraan xadgudubyo loo geysto Haweenka iyo Dumarka. Gabdhaha la guursado  iyagoo yaryar iyo sara-kaca 98% ee ku yimid Gudniinta Fircooniga ee FGM waa sida ay hadalka u dhigtay.
Si kastaba ha ahaatee, Tababarka loo furay Koox ka tirsan Xildhibaanadda Qaranka iyo kuwa Maamul-gobaleedyadda ayaa lagu sheegay mid Xildhibaanadda lagu barayo Nidaamka Hoggaaminta iyo Xoojinta Xuquuqda Haweenka iyo Gabdhaha Soomaaliyeed
