Shalay gelinkii dambe ayaa  duleedka Magaalada Baydhaboee Xarunta Gobolka Baay waxaa laga afduubtay Shaqaalo u Shaqeynayay Hay’ad Gargaar, xili ay marayeen meel 14km u jirta Magaalada Baydhabo sida uu xaqiijiyay afhayeenka Maamulka Koonfur Galbeed.
Shaqaalahaan ayaa tira ahaan gaaraya ilaa 3 Ruux oo kala ah laba Gabdhood iyo Darawalkii Gaariga u waday, waxana la sheegay in ay ahayeen Shaqaalaha Hay’ad lagu Magacaabo Kareedo.
Afhayeenka Maamulka Koonfur Galbeed Nuuradiin Yuusuf Abuukar Gacma oo Wareysi siiyay Radio Dalsan Xarunta Muqdisho ayaa afduubkas ku eedeeyay in ay ka dambeeyaan Al-Shabaab, isla mrkaana Shaqaalahaas ay yihiin Soomaali.
Wxa uu sheegay in Al-Shabaab ay ka soo horjeedaan in la kaalmeeyo dadka rayidka ah ee Soomaaliyeed maadama ay dhowr mar sidaan oo kale ay u afduubteen Shaqaalo Gargaar sida uu hadalka u dhigay.
Sikstaba 15 Bishii July ayay aheyd markii duleedka Baydhabo sidan oo kale ay Al-Shabaab ka afduubteen Shaqaalo Gargar wallow markii dambe ay ku soo daayeen lacago madax furasho ah.
Hoos Ka Dhageyso Wareysiga Afhayeenka
