Cali Cabdullaahi Xuseen guudlaawe Madaxweyne ku xigeenka Maamulka Hir-Shabeelle ahna ku simaha Madaxweynaha ayaa ka hadlay doorashada madaxweynaha maamulkaas ee la filayo in ay dhacdo 16 Bishaan oo ku beegan Maalinta Sabtida ah.
Waxa uu sheegay in ay laga maarmaan tahay in qof walba isaga oo xor ah uu doorto qofkii maamuli lahaa sidii looga gudbi lahaa qof loo soo Magacaabo kaas oo aan lagu qabin kalsooni badan isla markaana aan la ogeyn waxayaabaha uu qaban doono.
Sidoo kale waxa uu hadalkiisa intaas raaciyay in haatan ay tahay wax wanagsan in dadku ay iyagu soo doortaan qofkii Masuulka u noqon lahaa, taasina ay tahay waxa ay Shacbku ku qanacsan yihiin ayna ku raacayaan wixi soo baxa.
Hadalka Cali guudlaawe ayaa ku soo aadaya xili Magaalada Jowhar ee Xarunta Mamulka Hir-Shabeelle uu ka socdo olole ay wadaan musharixiinta Madaxweynaha kuwaas oo qaarkood sheegaya in qaar ka mid ah musharixiinta ay dhinac ka riixayaan madaxda dowaldda Soomaaliya.
Hoos Ka Dhageyso Codka Cli Guudlaawe
