Wararka aan Caawa ka heleyno Magaalada Gaalkacyo ee Xarunta gobolka Mudug ayaa waxa ay sheegayaan in Caawa Magaaladaas lagu dilay Wiil Dhalinyaro ah.
Kooxo hubaysan ayaa waxay weerar ku qaadeen mid ka mid ah Hotelada ku yaala Xaafada Garsoor ee magaalada Gaalkacyo  oo lagu Magacaabo hotel Kulmiye oo uu fadhiyey wiilkan xiligii weerarkaasi lagu qaadayey.
Wiilka dhalinayaarda ah ayaa la sheegay in uu ka mid aha dhalinyarada Ciyaaraha Gobolka Mudug waxana la sheegay in kooxdii falkasi dilka ah fulisay ay Goobta isaga baxsadeen.
Majirin wax ciidan ah oo gaaray goobta uu dilka ka dhacay iyo waliba cid sheegatay masuuliyada dilka wiilkaas dhalinyarada ah.
Qeybta uu dilka ka dhacay ee Magaalada Gaalkacyo ayaa waxaa maamula maamulka Puntland mana jirto wax ka mid ah Saraakiisha iyo Maamulka Gaalkacyo ee k hadlay dilka wiilkaas dhalinyarada ah.
