Gudoomiyaha degmada Boondheere ee Gobolkaan Banaadir ayaa faah faahin ka bixisay halkii uu ku dambeeyay howlihii burburinta ahaa oo uu  dhawaanahan maamulku ka waday qeybo ka mid ah degmadaas, kaas oo lagu burburiyay Goobo farabadan
Seynab Yuusuf oo Wareysi gaar ah Xafiiskeeda ku siiyay Radio Dalsan ayaa waxa ay sheegtay in markii ay bilaabeen talaabada burburinta ay caqabad ka horkeeneen dad ay sheegtay in dano gaar ah leeyihiin kuwaas oo ka horyid Shaqada uu Maamulka qabanayay taas oo keentay in ay joojiyaan.
Sidoo kale waxa ay sheegtay in ay jiraan dad Goobo Ganacsi ku lahaa degmada kuwaas oo sheegay in ay Goobahaas ay ku raadsadaan waxyaabihii ay ku noolaan lahaayeen, kadibna ay sidaasi uga aqbaleen.
Waxa kaloo ay hadalkeeda intaas ku dartay in hadda ka maamul ahaan ay qaateen Go’aan kaas oo ah in aan dheg jalaq loo siin dadka danaha gaarka leh dhawaana ay bilaabi doonaan burburinta Goobo kale oo lagu iibiyo waxyaabo muqaadaradka ah kuwaas oo amiga wax u dhimi kara sida ay hadalka u dhigtay.
Hoos Ka Dhageyso Codka Gudoomiyaha
