Kadib ku dhawaaqistii Xubnaha Golaha Wasiirada Soomaaliya ay shaaciyeen in Cabdi Kariin Muuse Qalbi Dhagax oo ka mid ahaa Madaxda Ururka ONLF lagu wareejiyaybdowladda Itoobiya isaga oo xiriir la lahaa Al-Shabaab, isla markaana waday falal lidi ku ah amniga ayaa waxaa ka hadlay Al-Shabaab.
War qoraal ah oo ay soo dhigeen Baraha ay ku leeyihiin Interner-ka ayaa waxa ay kubsheegeen in ay iska fogeynayaan warkaas isla markaana Qalbi Dhagax uusan la laheyn Mujaahidiinta Al-Shabaab sida ay hadalkabu dhigeen.
Waxaa kaloo qoraalka lagu sheegay in warka ka soo baxay dowladda Soomaaliya uu ahaa mid aan laga fiirsan oo u baahnaa in baaritaan dhab ah lagu sameeyo.
Labadii todobaad ee la soo dhaafay ayaa Shacabka Soomaaliyeed ay hadal hayeen dhiibista Qalbi Dhagax taas oo ugu dambeyn keentay in Maanta dowladda ay ku dhawaaqday.