Taliyaha Taliska Milliteriga Maraykanka ka jooga Qaaradda Afrika, General Thomas D. Waldhauser, Â ayaa sheegay in Macluusha iyo Abaaraha haatan ka jira Somalia ka dambeeyaan falalka cusub ee Burcad-baddeeda ka qowleysata Badda Somalia.
Waxa uu tilmaamay inay Burcad-baddeeda gudaha u galeen dhowr Maraakiibta Ganacsiga wadeen shixnado cunto iyo saliid.
Waxa uu intaasi ku daray in inta badan Weeraradaasi oo uu ku jiro Markabkii Booyadlaha Shidaalka ee bishii hore lagu afduubtay Xeebaha Somalia ay Burcad-baddeeda qaadeen.
“Diyaar uma nihi inan niraahno waxa jira Isbedel†ayuu yiri General Waldhauser, wuxuuna sii raaciyey inay sii wadi doonan ilaaladda ay ku hayaan Burcad-baddeeda ku sugan Badda Somalia.
Taliyaha Taliska Milliteriga Maraykanka ka jooga Qaaradda Afrika ayaa yimid, kadib, markii ay isaga iyo Xoghayaha Difaaca Maraykanka shir jaraa’id ku qabteen Xeradda Camp Lemonnier ee ay ku leeyihiin dalka Jabuuti.
Si kastaba ha ahaatee, Dib-u-soo-laabashadda falalka Burcad-baddeeda ayaa ku soo beegantay iyado oDFS ee ay QM taageerto ay dagaal kula jiraan Dagaalamayaasha Alshabaab.
Saraakiisha Milliteriga Maraykanka ayaa sheegay inay DFS leedahay Ciiddamo hubeysan oo tiradoodu dhan tahay 12,000 oo Askari.
©Radio Dalsan
