Waddanka Costa Ricca oo ku yaalla Bartamaha Qaaradda America ayaa lagu qabtay Muwaadin Somali ah, kaasi oo ka soo gudbay xuduudka dalka Panama.
Wasiirka  Wasaaradda Ammaanka ee dalka Costa Rica, Gustavo Mata, ayaa sheegay in Ninka Soomaaliga ee la xiray lagu tuhunsan yahay inuu xubin ka yahay Kooxaha loogu yeero Argagixisadda Caalamiga, waa sida hadalka loo dhigay.
Ninka la qabtay oo magacyadiisa lagu sheegay Maxamed Ibrahim Qoor-dheere waa 25-jir, kaasi oo Insiintii hore lagu qabtay Degmadda xuduudka ku taallo ee Paso Canoas oo 355 KM dhanka Koonfurta kaga toosan Caasimadda dalka Costa Rica ee San Jose.
 
Saraakiisha dalka Costa Rica ayaa sheegay inay Waaxda Socdaalka iyo Canshuuraha ee dalka Maraykanka kala tashadeen xarigga ninkaasi, waxayna Maamulayaasha Maraykaanka xaqiijiyeen in lagu tuhunsan yahay inuu xiriir la leeyahay waxa loogu yeero Ururadda Argagixsadda.
Maraykanka waxay ku baaqeen in si degdeg ah lagu bilaabo baaritaanka kiiska lala xiriirinayo Ninka Soomaaliga oo haatan ku xiran Xarunta baaritaanka Boliska oo ku taalla caasimadda dalkaasi ee San Jose.
©Radio Dalsan
