Wararka naga soo gaaraya degmada Baardheere ee gobolka Gedo ayaa ku waramaya in halkaasi uu ka dhacay dagaal xoogan oo u dhaxeeya Al-shabaab iyo ciidamada Itoobiya, kadib markii Garoonka Baardheere oo fariisin u ah ciidamada Itoobiya weerar ku qaadeen dagaalamayaal katirsan Alshabaab.
Wararka Dalsan ay ka heleyso magaalada Baardheere ayaa ku waramaya in dagaalkaasi uu ka dhashay Khasaaro dhimasho iyo dhaawac,inkastoo aan la ogaan inta uu gaarsiisanyahay waxyeelada dagaalkaas.
Goob-joogayaal ayaa u sheegay Radio Dalsan  inay maqlayeen daryanka Hubka Culus, islamarkaana dagaalku uu xooganaa.
Dhinacakale Al-shabaab war ka soo baxay ayaa lagu sheegay in Khasaaro dagaalkaas ay ku gaarsiyeen Ciidamada Itoobiya ee ku sugan maagaalada Baardheere ee gobolka Gedo.
