(Magacyo + Sawiro): Dhowr Saxafi oo maanta ku dhaawacmay Qaraxyaddii Hotelka Dayax.

Dagaalamayaal ka tirsan Alshabaab ayaa waxay saakayto weerar iyo Is-qarxin la beegsadeen Hotelka Dayax oo ka mid ahaa Hoteelladda ugu wanaagsan (5 Star Hotel) ee ku yaalla magaalladda Muqdisho.

Ilaa 2-qarax ayaana ka dhacay nawaaxiga Hotelka, iyadoo mid ka mid oo lagu soo rakibay Gaari Noah ah uu sababay dhimasho iyo dhaawacyo soo gaara dad ka ag dhowaa gaarigaasi.

Dadka ku ddhaawacmay waxaa ka mid ahaa ilaa 5 Saxafi oo iyagu ka mid ahaa Koox Weriyayaal iyo Sawir-qaadayaal halkaasi u tegay si ay Dadweynaha ugu soo gudbiyaan wararka ku aadan Dhacdada Qaraxyadda ee Hotel Dayax.

Suxufiyiinta ku dhaawacantay qaraxii 2-aad ee Hotel Dayax waxaa ka mid ah:

1. Faarax Cabdi Warsame (Faarax AP) oo ka tirsan Wakaalladda Wararka ee Associated Press (AP),
2. Sawir-qaade Maxamed C/wahaab oo ka tirsan Wakaalldda Wararka ee AFP,
3. Sawir-qaade C/llaahi Axmed Gacal oo u shaqeeya Horn Cable TV.
4. C/qaadir Subeyr “Akiile” oo u shaqeeya Aljazeera TV.

Dhinaca kale, ilaa 20-qof ayaa ku geeriyootay Qaraxyadii Hotel Dayax, iyadoo ku-dhawaad 40-kalena ku dhaawacmeen, kuwaasi oo haatan lagu daaweynayo qaar ka mid ah Isbitaalladda Muqdisho.

©Radio Dalsan