Xoghayaha Guud ee Qaramada Midoobe Antonio Guterres, ayaa sheegay in carruur badan oo soomaaliya ku nool ay Al shabaab ku qasbaan in ay askareeyaan si ay uga dhinac dagaalamaan.
Xoghayaha, ayaa tusaale usoo qaatay dagaalkii Alshabaab iyo ciidamadda Puntland ay ku wada galeen deegaanadda Buuraleydda Gal-gala, halkaas oo uu sheegay in lagu qabtay 60% dagaalyahanadii Al shabaab, kuwaasoo u badnaa carruur, bishii March 2016.
Warbixinta xoghayaha ayaa sidoo kale sheegeysa in carruurta al shabaab ay dagaalka ku qasbaan ay gaarayaan da’ ahaan 9-jir, kuwaasoo la geeyo furumaha  hore ee dagaalka, iyagoo xambaarsan hub culus.
Carruurta ayaa sidoo kale loo isticmaalaa qaraxyada iyo howgalladda sirdoonka, ayuu sii raaciyay.
Bishii May 2016, Wargeyska Washiton post, oo warbixin ka qoray hey’adda Sirdoonka iyo Nabad Sugida Soomaaliya, ayaa lagu sheegay in carruurta kasoo goosata al shabaab ay sirdoonka soomaaliya u adeegsadaan xog-keenayaal ku dhex milma al shabaab.
Dhinaca kale hey’adda xuquqda carruurt ayaa ka deyriya mararka qaar xaaladda carruurta ee soomaaliya.