Faahfaahin: Sarkaal ka tirsanaa Ilaaladda Safaaradda Imaaraadka oo ku geeriyooday qarax ka dhacay Muqdisho.

Sarkaalkaasi ayaa waxa uu ku geeriyooday qarax miino oo loogu soo rakibay gaarigiisa, xilli uu marayey  Isgoyska Maanabolyo ee Degmadda Shibis ee magaalladda Muqdisho.

Saraakiisha Ammaanka iyo kuwa Degmadda Shibis ayaa sheegay inuu Sarkaalkaasi u geeriyooday dhaawacyo ka soo gaaray qarax  gaariga loogu soo rakibay.

Gaariga oo noociisu ahaa CARIB ayaa la sheegay inuu aad ugu burbur xooggan Qaraxaasi oo aad u xoog badnaa, waxaana muddo kooban hakaday  Dhaqdhaqaaqii Gaadiidka, Ganacsiga iyo isku-socodka dadka isticmaala Isgoyska Maanabolyo.

Dhinaca kale, Ilo-wareedyo ayaa u sheegay Radio Dalsan in Sarkaalkaasi oo asal ahaan ka soo jeeda Somali-Yemeni (Mawalad)  waxa uu ahaa Sarkaalka madaxda u ah Ilaaladda Khaaska ee Safiirka Imaaraadka Carabta u jooga Somalia.

©Radio Dalsan