Saraakiisha Dowladda Panama waxay ku eedeeyeen dalka ay deriska yihiin ee Costa Rica inay dalkeeda ka soo masaafurisay 250 Tahriibayaal ka yimid Geeska Afrika.
Agaasimaha Adeegga Socdaalka Qaranka ee dalka Panama, Javier Carrilo ayaa sheegay inaysan Dowladda Costa Rica wax xiriir ah la soo samaynin. ka hor intaysan Tahriibayaashaasi u soo daad-gureynin dhulka fog ee dalkaasi ee ku dhow xuduudka Panama.
Javier Carrilo waxa uu sheegay inaysan kala caddaynin inay Tahriibayaashaasi markeedii hore Panama kaga gudbeen xududuuka Costa Rica ee lagu qabtay., wuxuuna tilmaamay in Tahriibayaashaasi u kala dhasheen dalalka Somalia, Eritrea iyo Ethiopia.
Dhinaca kale, Maamulayaasha dalka Costa Rica waxay sheegeen inay in ka badan Kun Tahriibayaal ka soo jeeda Afrika iyo Kuuba oo dhinaca Panama ka soo galay Costa rica in qaarkood lagu khasbay inay ku laabtaan dalkii ay ka soo socdaaleen.
Inta badan Tahriibayaasha waxay dalalka Panama, Costa Rica iyo Meksiko uga sii gudbaan dalka Maraykanka, si ay uga helaan Magangelyo Qaxooti iyo Nolol ka fiican noloshii ay ka soo dudeen iyo Nbaad la’aanta ka jirta Qaaradda Afrika.
