Ilo dhinaca ammaanka ayaa la sheegay in Ninkaasi lagu tuhunsan yahay inuu ka dambeeyey Bamkii lagu qarxiyey Diyaarad Rakaab oo laga lahaa Raashiya, taasi oo dabayaaqadii bishii Oktoobar ee sannadkii hore, kuna geeriyoodeen 224-kii ee la socday Diyaaradaasi.
Ninka Farsama-yaqaanka ee la xiray ayaa la sheegay inuu qaraxaasi u soo dhiibay nin ay ilmo adeer yihiin oo ka tirsan Kooxda Islaamiyiinta Masar ee gacan-saarka la leh Kooxda Daacish.
Wakaalladda Wararka ee REUTERS oo warkan baahisay waxay kaloo sheegtay in Ninka Makaanikadda lala xiray Labo Askari iyo Nin Xamaali ah, kuwaasi oo ka hawlgala Garoonka Diyaaradaha ee Sharma-sheekh.
Dhinaca kale, Wasaaradda Arrimaha Gudaha Masar iyo Shirkadda Diyaaradaha Masar ee EgyptAir wey beeniyeen in dad loo xiray Qarixii Diyaaradii Raashiyaanka ee ku burburtay Hawada Masar dabayaaqadii bishii October ee sannadkii hore.
Qalabka loo adeegsaday in Diyaaradaasi lagu qarxiyo ayaa ah maadada IED ee laga farsameeyo waxyaabaha qarxa oo lagu soo cabeeyey qasaca nooca sharaabka hoos ka muuqda
©Radio Dalsan      Â
