7 Sarkaal oo ka tirsan Boliska Kenya ayaa ku geeriyootay qarax ka dhacay Deegaanka Kiyunga ee Dgmadda Lamu, iyadoo Dhowr Sarkaal kalena la la’ yahay, lagana cabsi qabo inay Alshabaab u gacan galeen.
Sarkaal ka tirsan Boliska Kenya oo aan fasax u haysanin inuu la hadlo Saxaafadda ayaa sheegay inay Saraakiisha la dilay iyo kuwa la la’ yahay ay ka ambabaxeen Deegaanka Hindi kuna sii jeedeen Deegaanka Kiyuunga, markii ay miino la kacday gaarigii ay la socdeen.
Waxa uu intaasi ku daray inay 15 Sarkaal la socdeen gaariga la qarxiyey, kuwaasi oo loogu talagalay inay xaqiijiyaan Ammaanka Degnmadda Lamu iyo Saldhigyadda Boliska ee ku yaalla Deegaankaasi.
Dhinaca kale, Wargeyska The Star ayaa qoray in Saraakiisha ku geeriyootay qaraxaasi ahaayeen Saraakiil dhigayey dibadbax cabasho ku aadan Lacagaha Gunooyinkooda oo aad uga soo daahay.
©Radio Dalsan      Â