Kim Tucci waa 26 jir u dhalatay dalka Australia, kuna nool magaalladda Perth, waxayna Dhakhaatiirtu u sheegeen inay leedahay Uur ay ku jiraan 5 ilmo oo mataano ah (quintuplets).
Haweeneydaasi oo leh uur 29 isbuuc ah ayaa ka sheekeysay inay inay noqotay Cunaaye oo ay maalintii wax cunto qiyaastii cuntadda uu qofka caadiga cuni karo maalintii oo dhan.
Maamadan ayaa laga rabaa inay maalintii isticmaalo Cuntooyin ay Tamar ka hesho, Isla markaana ay biyo badan qurquriso.
Waxay sheegtay in habeenkii 12 jeer gasho Suuliga qeybta lagu qubeysto (Bathroom).
Waxay Taariikhda Dhacdooyinka Maamlmeed si joogto ah u soo dhigta Websayt (Blog) ay leedahay oo lagu magacaabo Surprised With Five.
Kim Tucci oo horey u dhashay labo carruur oo gabdho ah, waxaa Blog-eeda u soo daawasho tagay in ka badan 123,000 qof oo badankooda ah Haween, kuwaasi oo iyada la wadaago Dhacdooyinkooda Shaqsiyadeed.
Kim Tucci waxay la yaabtay, markii uu Dhakhtarkeeda bishii July ee sannadkii hore u sheegay baaritaan kadib inuu maqlay garaacid wadno oo shan jeer kala duwan.
Dhakhtarka waxa uu tilmaamay inay 4 gabdhood iyo hal wiil yihiin ilmaha Mataanaha ee Uurkeeda isku dhex ciriirinayo.
Dhinaca kale, Ninka qaba Xaaskaasi oo sannadkan filanayey in loo dhali doono cunugiisa 3-aad ayaa haatan ku faraxsan inay u dhalan doonaan 5 carruur oo mataano ah.
Tiradda Guud ee Carruurtiiisa ayaa noqon doonto 7 carruur (Hal wiil iyo 6 gabdhood).
Waxaa Turjumay: Axmed Xaaji Ugaaska
Xigasho: Daily Mail
©Radio Dalsan       Â
    Â
