Midowga Europe waxay shaaciyeen inay €29 million ugu talagaleen Hawlaha Samafalka Aadminimo ee Somalia ee sannadkan 2016-ka.
Madaxa Golaha EU-da ugu qaabilsan Hawlaha Samafalka Aadminimadda iyo Maaraynta Masiibooyinka, Christos Stylianides ayaa Yaboohaasi shalay kaga dhawaaqay magaalladda Muqdisho oo uu booqasho hawleed ku yimid.
Waxa uu tilmaamay inay Midowga Europe sii wadi doonaan sidii loo hubaal gelin lahaa inay Kaalmooyinka Samafalka gaaraan dadka sida xooggan ugu tabaalaysan gudaha Somalia.
Dhinaca kale, Madaxa Golaha EU-da ugu qaabilsan Hawlaha Samafalka Aadminim iyo Maaraynta Masiibooyinka, Christos Stylianides waxa uu carrabka ku dhuftay in Kaalmadaasi wax looga qaban doono Taageeradda cuntada, Adeegyadda Caafimaadka, Biyaha, Nadaafadda iyo Faya-dhowdka, Hoyga, Badbaadinta iyo Waxbarashadda qoysaska aadka u tabaalaysan.
Kaalmadan cusub ee Midowga Europe ayaa timid, iyadoo Ku-dhawaad 5 million oo qof oo Somali ah la sheegay inay u baahan yihiin Kaalmo Aadminimo iyo in ka badan 1 million oo Barakacayaal ku sugan gudaha Somalia.
©Radio Dalsan     Â