Abaarihii 10-kii Fiidnmimo ee xalay Waxaa Garoonka Diyaaradaha ee Wilson Airport ee magaalladda Nairobi ka degatay Diyaarad Xamuul oo waday maydadka 4 Askari oo ka tirsan Ciiddankii Kenyaanka ee lagu dilay weerarkii ay Alshabaab dhawaan ku qaadeen Saldhig ku yaalla Deegaanka Ceel-cadde ee Gobalka Gedo.
Haweeneyda Wasiirka Difaaca ka ah dalkaasi, Raychelle Omamo ayaa sheegtay inay weli socdaan Hawlgalka Baaritaanka iyo Badbaadinta ee lagu raadinayo Raqda iyo Ruuxa Askarta Kenyanka ee weli lagu la’ yahay gudaha Somalia.
Waxay shegtay inay rajeynayso in maalmaha soo socda la keeni doono maydadka Askar kale.
Dhinaca kale, Maydadka xalay laga dejiyey Nairobi ayaa waxay ku jireen Sanduuqyo Naxash ah oo lagu hagoogay Calanka Kenya, iyadoo Taliyaha Milliteriga Kenya iyo Saraakiil kale ku sugnaayeen Garoonka.
© Radio DalsanÂ