Boliska dalka Costa Rica ayaa sheegay inay shalay qabteen 5 Tahroobayaal Soomaali ah, kuwaasi oo lagu soo qariyey Gaari Ambalaas ah meel ku dhow Xudduudka uu dalkaasi la wadaago dalka Nicaragua ee Bartamaha Qaaradda Amerika.
Boliska waxay sheegeen inay Soomaalidaasi ku qabteen Waaberigii shalay Degmadda Peñas Blancas de la Cruz oo ku taalla xuduuka, kadib, markii la joojiyey Ambalaaska oo ay wadeen Labo nin oo u dhashay dalka Kosta Riika oo aan haysnanin Laysinka Dareewalnimadda.
Hadal ka soo baxay Wasaaradda Ammaanka ee dalkaasi ayaa lagu sheegay in la xiray Labadii nin oo waday gaariga, kuwaasi oo aan haysanin Laysinka Dareewalnimadda.
Bishii hore ee Deember 30-dii ayey ahayd, markii ay Boliska Costa Rica qabteen 45 Tahriibayaal shisheeye ah oo 9 ka mid Soomaali ahaayeen, kuwaasi oo lagu soo qariyey Gaari Xamuul ah.
Tahriibayaashaasi waxay qorsheynayeen inay u gudbaan dalka Maraykanka.
©Radio DalsanÂ