Guddoomiyaha Xisbiga Caddaaladda Bulshadda “The Social Justice party†, horeyna u ahaan jirey Guddoomiyihii hore ee Gobalka Banaadir, Maxamuud Axmed Nuur “Tarzan† ayaa Aragtidiisa ka dhiibtay Doorashadda soo socota ee Madaxtinimadda Somalia.
Maxmuu Axmed Nuur Tarzan oo Wareysi dhinacyo badan leh dhawaan siiyey  Wargeyska The Guardian ee ka soo baxa magaalladda London ayaa sheegay inay dadka si aad ah uga walaaceen Dib-u-dhigista Doorashadaasi oo la qorsheynayo inay dhacdo bisha September ee sannadkan.
Mar wax laga weydiiyey Qaabka uu u arko Doorashadda Madaxtinimadda Somalia, waxa uu soo bandhigay sifaha uu mudan yahay in lagu doorto Madaxweynaha Mustaqbalka, iyadoo Oraahdiisa laga dareemayo saluug dadban oo uu ka muujiyey Xulashooyinkii hore.
“Waa inaan dooranaa Siyaasi Aragti dheer leh, Runta sheega, ahna Siyaasi Xushmad iyo Qaddarin loo hayo†ayuu yiri Maxamuud Axmed Tarzan oo isagu horey u sheegay inuu isku soo sharxi doono xilka Madaxtinimadda Somalia.
Dhinaca kale, Waxa uu Wareysiga uu siiyey Wargeyska The Guardian ku sheegay inay Dadku aad ugu baahan yihiin Dowladnimadda, loona baahan yahay in loo  muujiyo Farqiga u dhexeeya Dowladda iyo Alshabaab, waa sida uu hadalka u yiri.
“Laakiin, haddii aysan Dowladda bixin Adeegyadda ama haddii ay tahay Dowlad uu Musuq ku fogaaday, markaa maxaa farqi ah oo u dhexeeya Alshabaab iyo Dowladda†ayuu isweydiiyey Guddoomiyihii hore ee Gobalka Banaadir.
Dhinaca kale, Maxamuud Axmed Tarzan oo ah Muwaadin Somali-British waxa uu ugu baaqay Dowladda Federalka inay kasbadaan Dadweynaha, isagoo sheegay inay Dadweynuhu yihiin hubka kale ee Casriga ee ka qiimaha badan qaraxyadda iyo hubka kale.
Waxa uu tilmaamay inay Dadweynuhu  ka baqdaan Alshabaab oo aysan hadli karin, iyagoo ka baqanaya in shirqool lagu dilo,, waa sida uu hadalka u yiri.
Guddoomiyihii hore ee Gobalka Banaadir, ahana Duqa Muqdisho oo xilkaasi hayey muddo afar sanno ah, waxa uu weli door muhiim ku leeyahay Siyaasadda, isagoo  Guddoomiyaha ka ah  Xisbiga Caddaaladda Bulshadda “The Social Justice Partyâ€.
©Radio DalsanÂ
