Bandhig Faneed casri ah oo loogu magac daray “Showga Nabadda iyo Dib-u-dhiska Tiyaatarka Qaranka† ayaa la filayaa in Duhurnimadda Jimcaha lagu qabto Garoonka K/Cagta ee Banaadir (Ex Conis Stadium) ee magaalladda Muqdisho.
Guddiga Qabanqaabadda Bandhigaasi oo la hadlay Radio Dalsan ayaa sheegay inay ku jiraan Diyaargarowgii ugu dambeeyey ee Bandhigaasi oo ay ka qeyb geli doonaan Fannaan caan ah oo isugu jira kuwo ka tirsan Hoballadda Qaranka ee Waaberi iyo Fannaaniinta dhawaan Muqdisho timid ee ay ka mid yihiin Axmed Nasta, Iidle Yare, Hodan C/raxmaan, Idil Caddow iyo Muusikiste Xasan Cujeer Cajami, kuwaasi oo Toddobaadkii hore soo bandhigay Show aad iyo loola dhacay.
Guddigu waxay tilmaameen inay Kumanaan qof horey u sii goosteen Tikidhada si ay uga qeyb galaan daawashada Bandhigaasi, iyadoo Qiimaha Tikidhkana uu yahay 2-dollar.
Dhinaca kale,  Kharajka ka soo xerooda Bandhig Faneedka Jimcaha lagu qabanayo Garoonka K/cagta ee Banaadir waxaa loogu talagalay in lagu taageero Dib-u-dhiska Tiyaatarka Qaranka  “The National Theater†iyo in lagu caawiyo Fannaaniinta ku xanuunsan magaalladda Muqdisho.
©Radio DalsanÂ
