Wargeyska The Star ee ka soo baxa magaalladda Nairobi ayaa maanta qoray inay Boliska Mombasa gacanta ku dhigeen 3 La-tuhunsanayaal uu ku jiray Sarkaal ka tirsan Hay’adda Adeegga Duurjoogta Kenya (KWS), kuwaasi oo lagu helay inay haysteen 53 rasaasta qoriga AK 47.
Eedeysanayaasha oo lagu kala magacaabo Maxamed Xuseen, Rooble Qaasim iyo Aadan C/llaahi ayaa la sheegay in shalay lagu qabtay Hoteelka Salius Hotel ee magaalladda Mombasa.
Mid ka mid ah Shaqaalaha Hoteelka oo lagu magacaabo Mawondu Kiambi ayaasheegay inay raggaasi dhowr jeer yimaadeen Hoteelka tan iyo bilowgii sannadkan, iyadoo ay la socdeen dad kale.
Boliska waxay sheegeen inay raadinayaan Milkiilihii Hoteelkaasi.
Taliyaha boliska Mombasa, Martin Asin ayaa sheegay in Eedeysanayaasha u gudbin doonaan Maxkamadda, kadib, markii la dhamaystiro baaritaanka lagu hayo.
Eedeysanayaasha waxaa su’aalo weydiinayo Saraakiil ka tirsan Dembi-baarista CID, ka hor inta aan lagu wareejinin Boliska La-dagaalanka waxa loogu yeero Argagixisadda, waa sida uu Wargeyska The Star ka qoray Dhacdadaasi.
©Radio Dalsan