Wareegto: Buulo-burde oo noqonaysa Caasimadda KMG ee Maamul-gobaleedka Hiiraan iyo Sh/dhexe

Madaxweynaha Jamhuuriyadda Federalka Somalia, Xasan Sheekh Maxamuud waxa uu bishan December 19-dii saxiixay Wareegto lagu magacaabayo Madasha lagu qabanayo Shirka Maamul-u-samaynta ee Goballadda Sh/dhexe iyo Hiiraan iyo Caasimadda Maamulkaasi.

Wareegtadda Madaxweynaha waxay u qornayd sidatan:-

MADAXWAYNAHA J.F.S

Markuu Arkay: Qodobka  87aad, Xarafka ‘C’,  Qodobka 90aad, Xarafka ‘K’ iyo 99aad, Xarafka ‘G’ ee Dastuurka J.F.S.

Markuu Arkay: Sharci Lr. 116 ee soo baxay Agosto 6, 2013 kuna saabsan sharciga maamullada Degmooyinka iyo Goballadadalka

Markuu Tixgaliyey: Dareenka dadweynaha iyo Soo jeedinta odoyaasha Dhaqanka iyo siyaasiyiinta ka soo jeedo ee Goballada Hiiraan iyo Shabeellada Dhexe

Markuu Garwaaqsaday:  In ay laga mamaamaan tahay ilaalinta wadajirka shacabka Soomaaliyeed iyo xallinta khilaafaadyada iyo in ay jirto baahi loo qabo dhisidda Maamullada Gobollada Iyo Degmooyinka dalkasi ay u dhisman Dowlad- goboleedyo Dastuurka waafaqsan.

WAXA UU SOO SAARAY XEERKAAN:

Qodobka 1^aad

Waxa uu Madaxwaynaha J.F.S ansixiyay laga billaabo maanta oo ay taariikhdu tahay 19/12/2015 in Magaalada Buulaburde oo ka mid ah degmooyinka Gobalka Hiiraan ay noqoto Caasimadda Maamulka KMG ah ee Goballada Hiiraan iyo Shabeellada Dhexe ay yeelanayaan.

 Qodobka 2^aad

Magaalada Jowhar oo ah magaalo madaxda Gobalka Shabeellada Dhexe ayaa noqoneysa MADASHA marti-galineysa shirka maamul-dhisashada Goballada Hiiraan iyo Shabeellada Dhexe.

 Qodobka 3^aad

Sagaashan (90) cisho gudahood buu maamulka cusub ee Goballada Hiiraan iyo Shabeellada Dhexe dhistaan ugu guuri doonaa magaalo madaxda maamulka oo ah Buuleburde.

Qodobka 4^aad

Waxa uu Xeerkaan dhaqan gelayaa marka uu Madaxwaynuhu saxiixo, waxaana lagu soo daabicidoonaa Faafinta Rasmiga ah Dowladda JFS.

Madaxweynaha J.F.S

Mudane Xasan Sheekh Maxamuud