 
War Wadajir ah oo ay QM, Urur-gobaleedka IGAD, Midowga Europe (EU), Dowladaha Maraykanka, Talyaaniga iyo Sweden maanta ka soo saareen magaalladda Muqdisho ayaa waxay ku baaqeen dhamaan kooxaha dagaalamayo in si degdeg ah loo joojiyo colaadda Gaalkacayo, isla markaana la furo Wada-xaajood Nabadeed si xal Nabadeed loogu helo arrimaha lagukala aragtida duwan yahay.
Wxay walaac xooggan ka muujiyeen dagaalka Labada Maamul-gobaleed ka dhex qarxay bishan November 20-dii, kuna geeriyoodeen ugu yaraan 15 qof, halka 30 kalena ku dhaawacmeen.
“Waxaan ugu baaqaynaa Hoggaamiyayaasha Puntland iyo Galmudug inay Khilaafkooda ku xaliyaan Wada-xaajood Nabadeed iyo in si wadajir looga shaqeeyo sidii loo taageeri lahaa dadka rayidka ee ku baracay dagaalladii dhawaan dhacay†ayaa lagu yiri Qoraalka.
Waxaa kaloo Hoggaamiyayaasha lagu booriyey inay Ciiddankooda Ammaanka barataan inay gadaal u joogsadaan, iyo in laga wada daad-gureeyo Khadka Gaalkacayo u kala qeybiyey Koonfurta iyo Waqooyiga, si looga hortago inuusan mar kale dhiig ku daadanin.
Dhinaca kale, qoraalka ay sida wadajirka u soo saareen QM, IGAD, EU, Maraykanka, Talyaaniga iyo Sweden ayaa lagu soo dhaweeyey dadaalka Ra’isul-wasaare Sharmaarke ku doonayo in lagu qaboojiyo xiisadda Gaalkacayo, lana helo Xal Nabadeed oo buuxa.
Waxay kaloo Beesha Caalamka ammaaneen dadaalka Odayaasha Dhaqanka ee Waqooyiga iyo Koonfurta Gaalkacayo ee u istaagay soo-celinta nabadda iyo in laga hortago inuusan dagaal kale dhicin.
© Radio Dalsan     Â
