Xiriiriyaha Amamanka ee Gobalka W/bari Kenya, Maxamuud Salaax ayaa sheegay inay Ciiddan ka tirsan Boliska oo ilaalo ka hayey xuduudka lala eegtay miino loogu rakibay derbi ku hdow geed ay Ciiddanka ku harsadaan oo ku yaallay meel ku dhow xuduudka Somalia.
Mas’uulka waa uu diiday inuu faahfahin dheeraad ka bixiyo qaraxaasi oo ah nooca miinadda meelaha fog laga hago ee I.E.D.
Sarkaal ka tirsan Boliska Kenya ayaa laga soo xigtay lagu inay Dagaalamayaasha Alshabaab xilli hebeen ah ay miinadda ku rakibeen Geedka ay inta badan ku harsadaan Ciiddanka Ilaaladda.
Sarkaalkaasi oo la hadlay Wakaallada Wararka Shiinaha ee XINHUA ayaa lagu sheegay inuu qaraxu bohol weyn ka qoday halkii lagu aasay miinadda.
Qaraxa ayaa la sheegay inuu dhacay wax yar kadib, markii ay 6 Sarkaal oo joogay Xuduudka ay ka tageen goobta, si ay u soo qadeeyaan.
Dhinaca kale, waxaa la sheegayaa in goobta ay miinadu ku qaraxday tahay goobta ay Ciiddanka Kenya kaga qaataan Laaluushka Ganacsatada badeecadaha laga keeno Somalia u gudbiyaN Degmadda Mandhera.
