Alshabaab oo soo bandhigay Ninkii geystay Is-qarxintii Jannaale iyo Askari u dhashay Uganda

Shabakadaha Warbaahinta ee Xarakadda Alshabaab ayaa soo bandhigay Sawirka Ninkii geystay Falkii Is-qarxinta ee bishii September 1-dii ee sannadkan lagu qaaday Saldhigii Ciiddanka AMISOM ku lahaayeen Degmadda Jannaale ee Gobalka Sh/hoose.

Alshabaab waxay magaca Ninka Is-qarxiyey ku sheegeen  C/llaahi Cali Cumar, kaasi oo la sheegay inuu ka soo goostay  Ciiddanka Dowladda Federalka.

Ninkaasi waxa uu gaari miineysan la beegsaday Albaabka weyn ee Saldhigga AMISOM, ka hor intaysan iska horimaad dhex marin Dagaalamayaasha Alshabaab iyo Askarta Uganda ee ku sugnaa Saldhiggii Jannaale.

Dhinaca kale, Warbaahinta Alshabaab waxay soo bandhigeen Muquaalka Askari u dhashay Uganda, kaasi oo ay Alshabaab ku qabsadeen weerarkii Jannaale.

© Radio Dalsan