Madaxweynaha Dowladda Federalka Somalia, Xasan Sheekh Maxamuud waxa uu kulan la yeeshay dhigiisa dalka Uganda, Yoweri Kaguta Museveni.
Madaxweyne Xasan Sheekh oo shalay booqasho hal maalin ah ku tegay dalka Uganda, waxa uu Madaxweyne Museveni kala hadlay Xiriirka Labada Waddan, Arrimaha Afrika iyo Dardargelinta Hawlgalka AMISOM ee lagula dagalaamayo Xarakadda Alshabaab.
Kulankaasi oo ka dhacay Aqalka Dowladda ee Entebe ayaa waxaa kaloo looga hadlay sidii ay Dowladda Uganda u kordhin  lahaayeen Taageeradda Milliteri ee ay la garab taagan yihiin Dowladda Somalia.
Labada Madaxweyne oo muddo dhowr saaacadood kulan lahaa, ayaa waxa uu Madaxweynaha Uganda ballanqaaday inay Dowladda Somalia garab taagnaan doonaan ilaa laga guuleysanayo Dagaalamayaasha Alshabaab.
Dhinaca kale, Madaxweyne Xasan Sheekh Maxamuud ayaa lagu wadaa inuu saakayto ka ambabaxo dalka Uganda, isagoo booqasho kooban ku tegi doona dalka Jabuutiu, ka hor inta uusan u ambabixin Ka-qeybgalka Shirweynaha Madaxda dalalka Carabta iyo kuwa Latin Amerika oo la filayo inuu berri ka furmo caasimadda dalka Sacuudiga ee Riyadh.
Â